رشا شربتجي تكشف تفاصيل الجزء الثاني من مسلسل "ما فيي"
كشفت المخرجة السورية رشا شربتجي في لقاء سابق مع كاميرا الانسايدر بالعربي عن انضمام الإعلامي وسام بريدي، وسينتيا صموئيل، الى الجزء الثاني من مسلسل "ما فيي" ، والعمل من تأليف كلوديا مارشيليان وإنتاج الصبّاح إخوان، وبطولة معتصم النهار، وفاليري أبو شقرا، والفنانة القديرة نادين خوري، ليليان نمري وكوكبة من الفنانين.
وأوضحت رشا أن الجزء الثاني سيحمل مفاجآت جديدة وأحداثًا مشوّقة مع الاحتفاظ بالقصة الرئيسية للجزء الأول، وستدور الحكاية بين الحب والحياة والانتقام، وأضافت " أكيد حيكون في صراع، وأكيد حيكون في غيرة، ما شاء الله التنين نجوم بيطيروا العقل والهم حضور وكاريزما، فكان لازم يكون في حدا كتير محبوب ووسيم ومثقف ويكون اله هيك ثقل قدام معتصم."
أما عن دور سينثيا صاموئيل فقالت رشا: "شخصية كثير مركبة، شخصية صعبة، بدها كمان يصير في عندها انعطافات بشخصيتها من دخولها للمسلسل كاركتر ضعيف شوي، او مضطرب شوي، بتقوى شوي شوي ومنكتشف معها مفاجآت جديدة."
من جهتها قالت الفنانة فاليري أبو شقرا عن تطوّر شخصياتها في الجزء الثاني: "صارت تستبق الاشياء اكثر، من ورا الخبرة التي قطعت فيها قبل فصار عندها نوع من إنه حماية أوتوماتيك بتجي عليها شو ما يصير يمكن بتستفز غيرها، حاقدة على كم حدا، هول ما شفناهم قبل، يعني شفنا يسمى اللي جاية من برا، جديدة على الضيعة، عم ترجع تفوت بالجو، هلأ تطورت اكتر لأنه صار في احداث كتير صارت."
اما عن علاقتها مع معتصم النهار الذي يلعب شخصية فارس :" بعد مش معروف اذا نضجت، يعني الاشياء التي عم يصيروا كثير بتختلف عن الجزء الاول، بس في اشياء كتير قوية، بيني وبينه، بس ما في شيء واضح، ما في شيء مبين، وهيدا الحلو بهيدا الجزء، راح يصير هيك من عنده قصة، ومن عندي قصة، وهيدا الشي راح يخلينا نبعد عن بعض شوي، بغض النظر عن مشاعرنا تجاه بعض."
كما كشفت الفنانة زينة مكي عن تطور أخر بشخصية يمنى التي تجسدها، وقالت: "حنشوف في تغير بالشخصية، يمكن في نضوج أكتر، ما فيي خبرك تفاصيل أكتر بخصوص إدمان، ايه، لاء، بس دايماً فيsuspense ، يعني وين ما تكون يمنى في suspense". وأضافت زينة: "في حدث حيصير في المسلسل اللي بيقلب كل شيء، غير متوقع يعني في مفاجأة ليمنى بهيدا العمل، بالجزء التاني، يمكن بعيد عن الإدمان، يمكن الإدمان شي تانيء، مدمنة حب، مدمنة ما بتعرف، بس الإدمان موجود، إدمان شو ما منعرف."
يشار إلى أن الجزء الأول من العمل تم عرضه خارج موسم رمضان الدرامي وحظي بنجاحٍ ومتابعةٍ جماهيريةٍ كبيرة.
